A ranar Lahadi kocin ƙungiyar ƙwallon ƙafa ta Liverpool Jurgen Klopp ya jagoranci wasansa na ƙarshe a matsayin kocin ƙungiyar bayan shafe shekaru 9 a Anfield.
Klopp wanda tsohon kocin Borrusia Dortmund ne ya lashe kofuna 8 a Liverpool da suka haɗa da; Gasar Zakarun Turai da Firimiya da UEFA Super Cup a shekarun da ya kwashe a ƙungiyar.
A wasansa na ƙarshe a ranar Lahadi Liverpool ta doke ƙungiyar Wolverhampton Wanderers da ci 2-0 a filin wasa na Anfield.
Bayan an tashi daga wasan magoya bayan Liverpool sun yiwa kocin nasu bankwana mai ƙayatarwa yayinda ya tabbatar da cewar ba zai taba mantawa da ƙungiyar a rayuwarsa ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
