Buhari Ya Yi Ta’aziyyar Rasuwar Gwarzon Dan Siyasa, Musa Musawa

Shugaban kasa Muhammadu Buhari ya yi ta’aziyyar rasuwar fitaccen dan siyasa kuma dan kasuwa, Alhaji Musa Musawa, wanda ya taba zama Sanata a baya, inda ya ce al’ummar kasar nan na cikin alhinin rashin wannan jigo na siyasa kuma dan Nijeriya na gaskiya.

Shugaba Buhari a cikin wata sanarwa da mai taimaka masa kan harkokin yada labarai, Garba Shehu, ya fitar a ranar Laraba, ya bayyana marigayin a matsayin “babban dan siyasa ne mai fahimtar al’amuran siyasa.

• IPOB Ta Kai Wa ‘Yan Kasuwa Hari A Enugu
• APC Ce Za Ta Lashe Zaben Gwamna A Filato –Gwamna Lalong

“Ya yi rayuwar da ta dace, ya bar mu da abubuwan tunawa marasa adadi a matsayinsa na dan siyasa, dan kasuwa da kuma shugaban al’umma. Za mu yi kewarsa da yawa,” in ji Shugaban.

“Allah ya jikansa, ya bai wa iyalansa da gwamnati da al’ummar Jihar Katsina hakurin rashinsa,” in ji shugaba Buhari.