Buhari Zai Inganta Harkokin Tsaro Kafin Karshen Wa’adin Mulkinsa —Malami

Ministan shari’a kuma babban lauyan gwamnatin tarayya, Abubakar Malami, ya ce kafin Wa’adin gwamnatin shugaban kasa Muhammadu Buhari ta kare a shekara mai zuwa, martabar Nijeriya za ta dawo yadda take a baya, za a shawo kan kalubalen tsaron da ya dabaibaye Kasar.

Ya kara da cewa, shugaba Buhari yana aiki ba dare ba rana domin ganin an samar da dukkan hanyoyin da za a bi wajen mika mulki cikin lumana a shekara mai zuwa, da kuma tabbatar da ganin an kawo karshen kalubalen da ake fama da shi na rashin tsaro a kasar nan.

• Kotu Ta Wa Malamin Islamiyyan Da Ya Yi Wa ‘Yar Shekara 8 Fyade Daurin Rai Da Rai

Malami ya bayyana haka ne a ranar Asabar a lokacin da yake taya al’ummar Musulmi murnar bikin Sallar Idi na bana a Birnin Kebbi.

“Ina so in tabbatar muku cewa, gwamnati za ta ci gaba da yin duk mai yiwuwa don tabbatar da tsaron kasar nan.

” Ina addu’ar Allah ya amsa addu’o’inmu domin a samun dawwamammen zaman lafiya a jihar Kebbi da kasa baki daya, tare da mika mulki cikin kwanciyar hankali a farkon shekara mai zuwa,” inji shi.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu