Kungiyar kwallon kafa ta Chelsea ta sallami kocinta, Graham Potter daga aiki.
Kungiyar ta sanar da sallamar kocin cikin wata sanarwa da ta fitar a yammacin ranar Lahadi.
- Gwamnoni Za Su Gana Da CBN, EFCC, ICPC, FIRS Kan Tattalin Arziki
- ‘Yan Bindiga Sun Kashe Mutum 7, Sun Sace 26 A Neja
Chelsea dai ta sha kashi a hannun kungiyar kwallon kafa ta Crystal Palace har gida da ci 2 da babu.
Sanarwar ta ce “Chelsea na yi wa Graham Potter fatan alheri game gudunmawar da ya ba ta, muna masa fatan alheri a nan gaba.”
Chelsea za ta nada Bruno Saltor a matsayin mai horarwa na wucin gadi a kungiyar.
Chelsea ta sallami Potter daga aiki sauran kwanaki 10 ta gwabza da Real Madrid a gasar nahiyar zakarun turai.
Chelsea dai ta sha fama a kakar wasanni ta bana duk da makudan kudi da ta kashe wajen yin cefanen ‘yan wasa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
