Da Ɗumi-ɗumi: An Ɗaure Bobrisky Wata 6 Ba Tare Da Zaɓin Biyan Tara Ba

Wata babbar kotun tarayya da ke zamanta a Legas ta ɗaure wani mai suna Idris Okuneye wanda aka fi sani da Bobrisky a gidan yari, ba tare da wani zabin biyan tara ba.

Mai shari’a Abimbola Awogboro ya yanke wa Okuneye hukuncin watanni shida, wanda tuni ke tsare tun bayan kama shi a makon da ya gabata.

• Durkushewar Masana’antun Auduga Na Ci Gaba Da Ci Wa Al’umma Tuwo A Kwarya
• Yaki Da Sake Yaduwar Cutar Tarin Fuka

Hukumar yaki da masu yi wa tattalin arzikin kasa zagon kasa ta EFCC ce ta gurfanar da shi a gaban kuliya bisa tuhume-tuhume shida.

Sai dai, An yi watsi da biyu daga cikin tuhume-tuhumen, yayin da ya amsa laifin cin zarafin Naira, amma ya nemi a yi masa rahama a matsayinsa wanda ya ce hakan shi ne farko.

Cikakkun bayanai daga baya…