Da Ɗumi-ɗumi: DSS Ta Kama Shugaban Ƙungiyar Ƙwadago, Ajaero

Jami’an hukumar tsaro ta farin kaya (DSS) sun kama shugaban kungiyar kwadago ta Nijeriya (NLC), Joe Ajaero.

LEADERSHIP ta fahimci cewa an kama Ajaero da safiyar ranar Litinin a filin jirgin saman Nnamdi Azikiwe da ke Abuja.

• Babu Ranar Komawa Kananan Makarantu A Jihohin Kano Da Edo
• Afrika Ta Kudu Na Neman Hadin Gwiwa Da Sin Wajen Zamanantar Da Kanta

Ajaero na shirin shiga jirgi zuwa Ingila domin gudanar da wani aiki a hukumance a yayin da DSS ta kama shi.

Kamar yadda majiyoyi suka bayyana, an bukaci Ajaero da ya halarci taron kungiyar ‘yan kasuwa (TUC) da za a yi a kasar Ingila ranar Litinin.

Sai dai, ba a bayyana cikakken bayani da dalilin kama shi ba, majiya mai tushe ta ce an mika Ajaero ga hukumar leken asiri ta kasa, NIA.

Cikakken bayani na tafe