Wani gini mai hawa bakwai da ake ginawa a kan titin Oba Idowu Oniru, Legas, ya ruguje, inda mutane kusan shida suke karkashinsa.
Babban Sakatare a Hukumar Ba da Agajin Gaggawa ta Jihar Legas, Dokta Olufemi Damilola Oke-Osanyintolu, ya tabbatar da faruwar lamarin a safiyar Lahadi.
Ya bayyana cewa, an fara aikin hako a wurin domin ceto wadanda suka makale.
Ya ce, “Bayan isa wurin da lamarin ya faru, an gano wani gini mai hawa 7 da ba a kammala gininsa ba ya ruguje. Babu wani rauni da ya samu amma kimanin mutane shida aka ruwaito sun makale a karkashin baraguzan ginin da ya ruguje.
“Za a yi amfani da na’urar tona na hukumar domin ceto wadanda suka makale. Aikin ci gaba da gudana.”
