Dan Gwamnan Jihar Nasarawa Mai Shekaru 36, Hassan Sule Ya Rasu

Hassan Sule, dan gwamnan Jihar Nasarawa, Injiniya Abdullahi Sule ya rasu yana da shekara 36 a duniya.

Wata sanarwar dauke da sa hannun babban Sakataren watsa labarai na gwamnan, Ibrahim Addra, ya shaida cewa, Hassan ya rasu ne a ranar Alhamis.

Ana Zargin Sojoji Da Kisan Fulani Makiyaya 39 A Nasarawa
‘Yan Bindiga Sun Sace Yara ‘Yan Makaranta 6 A Nasarawa

“Cikin jimami nake sanar da rasuwar dan Gwamnan Jihar Nasarawa Injiniya Abdullahi A. Sule, wato, Hassan A. A Sule. Ya rasu ne a ranar Alhamis 26 ga watan Janairun 2023.

“Hassan dai ya rasu yana da shekara 36 a duniya.

“Za a yi jana’izar marigayi Hassan a Gudi da ke karamar hukumar Akwanga yau Juma’a da misalin karfe 10 na safiya,” Cewar Addra.

LABARAI MASU NASABA

Tsohon Shugaban Ma’aikatan Fadar Shugaban Ƙasa, Ya Rasu Yana Da Shekaru 86

ASUU Ta Dakatar Da Yajin Aiki, Ta Bai Wa Gwamnati Wa’adin Wata Guda Don Biyan Buƙatunta

Sanarwar ta yi addu’ar Allah ya jikan mamacin ya sanya shi cikin Aljanna Madaukakiya, ya kuma bai wa mahaifinsa da sauran ‘Yan uwa da abokan arziki hakurin jure wannan babban rashin.