EFCC Ta Kai Samame Haramtacciyar Kasuwar ‘Yan Canji Da Ke Abuja

Jami’an Hukumar Yaki da yi wa Tattalin Arzikin Kasa Ta’annuti (EFCC) sun kai wani samame a ranar Talatar da ta gabata a haramtacciyar kasuwar ‘yan canji da ke Wuse Zone 4, Abuja, inda suka cafke wasu masu gudanar da kasuwar da ke da ofisoshin a yankin.

Daya daga cikin ‘yan kasuwar, wanda ya bayyana sunansa da Sani, ya shaida wa Jaridar Daily Trust cewa jami’an sun zo ne a cikin motoci uku sannan suka ajiye su a wurare daban-daban.

• EFCC Ta Cafke Wani Dan Siyasa Da Wasu Kan Satar Kudin Banki N1.4bn A Jihar Kogi

Ya ce an kama wasu abokan aikinsa.

Alhaji A. Mohammed, wani daga cikin masu gudanar da kasuwar, ya ce jami’an tsaro sun yi samame a kwanan baya a kasuwar inda suka cafke wasu daga cikin ‘yan kasuwar.

A makon da ya gabata ne babban bankin Nijeriya ya sanar da shirin sake fasalin wasu kudade domin dakile hauhawar farashin kayayyaki, tun daga wannan lokaci jami’an EFCC da sauran jami’an tsaro suka baza komar su a kasuwar.

Da aka tuntubi Kakakin Hukumar EFCC, Wilson Uwujaren, ya tabbatar wa Daily Trust da kai samamen, amma bai yi wani karin haske game da hakan ba.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”