Mayar Da Martani: Koriya Ta Arewa Ta Harba Makamai Masu Linzami Da Dama

Koriya ta Arewa ta harba wani makami mai linzami, wanda ya ratsa sararain samaniyar makwabciyarta Koriya ta Kudu.

Koriya ta Arewa ta harba wadannan makamai masu linzami ne don mayar da martani bayan kasar ta gargadi Amurka da Koriya ta Kudu da su daina gudanar da wani atisayen da sojojinsu ke yi a yankin.

• Ko Kun San Yawan Makamai Masu Linzamin Da Koriya Ta Arewa Ta Mallaka?

Wannan ne karon farko da wani makami irin wannan ya ratsa kan iyakar kasashen biyu tun bayan raba kasar gida biyu.

Wannan makamin mai gajeren zango ne, kuma ya fada cikin tekun da ke kusa da gabar tekun Koriya ta Kudu daf da wani tsibiri mai suna Ulleungdo.

Jami’an gwamantin Koriya ta Kudun sun ce makamai 10 aka harba da safiyar ranar Laraban nan.

Nan take gwamantocin Japan da na Koriya ta Kudu suka soki matakin makwabciyar ta su na harba makaman.

Shugaban Koriya ta Kudu Yoon Suk-yeol ya kira wani taron gaggawa da manyan jami’an tsaron kasar domin tattauna batun. BBC Hausa

Sulaiman

+ postsBio

• Sulaiman

  Xi Ya Bukaci A Mayar Da Hankali Kan Bukatun Jama’a Yayin Rangadin Da Ya Yi A Shanghai
• Sulaiman

  Lalata Da Ƙaramar Yarinya: Kotu Ta Yanke Wa Tsoho Mai Shekara 75 Hukuncin Ɗaurin Shekara 10 A Ribas
• Sulaiman

  Ci Gaban Fasaha Na Hidimtawa Jama’a Cikin Kowane Yanayi A Kasar Sin
• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya