“El-Rufai Zai Koma PDP Kafin 2023”

Daya daga cikin kakakin yakin neman zaben Atiku a zaben 2023, Barista Daniel Bwala, ya ce gwamnan jihar Kaduna, Nasir El-Rufai, zai koma jam’iyyar PDP kafin zaben 2023.

Bwala, wanda ya yi wannan ikirarin a ranar Litinin a shafin sa na Twitter, yayin maida martani ga gwamna elrufa’i wanda yake keketa dariya kan wani sharhi da aka yiwa Bwala karkashin wani faifan Bidiyo da aka wallafa.

• Ni Da APC Mutu-Ka-Raba – El-Rufai

Idan dai ba a manta ba a kwanakin baya ne Bwala wanda maitaimaka wa mataimakin shugaban majalisar dattawa ne, Ovie Omo-Agege, ya ajiye mukaminsa ne ya koma jam’iyyar PDP daga jam’iyyar APC don nuna rashin amincewarsa da zabin Tikitin musulmi da musulmi a zaben shugaban kasa.

A lokacin da yake APC, Bwala ya yi fira a gidan talabijin da dama inda yake kakkausar suka ga jam’iyyar adawa ta PDP, sabuwar jam’iyyarsa.

A makon da ya gabata ne aka nada Bwala tare da fitaccen tsohon dan majalisar tarayya Sanata Dino Melaye a matsayin mai magana da yawun yakin neman zaben Atiku na zaben 2023.

Kakakin yakin neman zaben Atiku, Bwala  ya ce ba zai yi cece-kuce da gwamnan jihar Kaduna ba, domin nan gaba kadan zai komo Jam’iyyar Adawa ta PDP kafin 2023.

Sulaiman

+ postsBio

• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030
• Sulaiman

  Kotu Ta Tsare Shugaban Makaranta Da Malami Kan Zargin Lalata Da Ɗaliba Mai Shekara 6 A Gombe