Faransa Ta Nemi Karin Gurbin Kasuwanci Da Nijeriya

Ministan Harkokin Kasuwanci da Tattalin arziki na kasar Faransa, Olibier Becht, ya ce, gwamnatin kasar Faransa na neman hanyoyin kara zurfafa harkokin kasuwanci da tarayyar Nijeriya musamman a bangaren ayyukan gona.

Becht ya bayyana haka ne a ranar Juma’a na makon jiya yayin da aka kaddamar da manhajar cinikayyar kayan abinci a tsakanin kasashen biyu.

• Kwace Wa NNPP Zaben Kano Na Iya Haddasa Tashin Hankali A Afrika – NNPP
• Gwamnatin Tarayya Za Ta Fito Da Manhajar DSO Na Aikin Talbijin Kwanan Nan – Minista

An samar da manhajar ne don saukaka wa al’ummar duniya gudanar da saye da sayarwa a kasuwannin kasar faransa da wasu kasashen Turai.

Ya kuma kara ca ewa, a yanzu za a samu sauki da bunkasar harkokin kasuwanci a tsakanin Nijeriya da Faransa, musamman a bangaren saye da sayar da kayan gona.