Gabanin Taron Jaridar LEADERSHIP, Raila Odinga Zai Gana Da Ahmad Lawan

Tsohon Firaministan Kenya, Raila Amolo Odinga, zai gana da Shugaban Majalisar Dattawan Nijeriya, Ahmad Lawan, a Abuja ranar Litinin.

Ana sa ran Odinga zai iso Nijeriya a ranar Lahadi mai zuwa gabanin taron shekara-shekara na kamfanin LEADERSHIP da yake bada lambar yabo karo na 14 inda zai kasance babban mai jawabi.

• NPC Ta Fara Horar Da Ma’aikata 786,741 Don Aikin Kidayar 2023

Odinga, wanda ya wakilci mazabar Lang’ata a majalisar dokokin Kenya, kuma ya rike mukamin Firaministan kasar daga shekarar 2008 zuwa 2013, zai tattauna da Lawan gabanin taron da kamfanin jaridar LEADERSHIP zai yi a ranar Talata mai zuwa.

Taron na LEADERSHIP da bayar da kyaututtuka na shekara-shekara za a gudanar da shi ne a cibiyar taron kasa da kasa da ke Abuja.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”