Wasu yara biyu sun rasa rayukansu yayin da wani gini da ya rufta a titin Ajao da ke unguwar Ikorodu a jihar Legas.
Hukumar bayar da agajin gaggawa ta kasa (NEMA) ta ce lamarin ya faru ne da safiyar ranar Asabar.
- Asalin Abin Da Ya Sa Wata Mata Kashe Mijinta A Bauchi
- Ziyarar LEADERSHIP Hausa A Hubbaren Degel Ta Mahaifin Shehu Usman Danfodiyo
“Yaran ‘yan shekara tara da bakwai sun makale ne a lokacin da ginin da ke makwabtaka da su ya fado kan gininsu a lokacin da ake ruwan sama kamar da bakin kwarya,” in ji Kodinetan Hukumar NEMA a yankin Kudu-maso-Yamma, Ibrahim Farinloye, a cikin wata sanarwa.
Hukumar ta ce ba a yi abin da ya dace ba dace ba don ceton rayukan yaran.
NEMA ta jajanta wa iyayen yaran tare da yi musu addu’ar Allah ya basu ikon jure rashinsu.
Hukumar ta ce hukumar kula da gine-gine ta jihar Legas (LASBCA) ta je wurin da lamarin ya faru domin tantance musababbin faruwar lamarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
