Ma’aikatar aikin gona da raya karkara ta raba sabbin motocin raba madarar shanu mai na’urorin sanyi, guda 100 ga kungiyar masu sayar da madarar, da ke jihar Kano.
Darakta a ma’aikatar aikin noma da raya karkara da ke jihar Kano, Alhaji Baba Gana ne ya mika kayan ga kungiyar a madadin ma’aikatar.
Alhaji Gana ya ce, sauran kayan da aka raba wa kungiyar sun hada da janareta mai karfin 20KBA. Sannan gwamnatin tarayya ta dauki wannan matakin na raba Kayan domin tabbatar da kara tsaftace kasuwancin na madara a jihar da kuma a kasa baki daya. A cewarsa, gwamnatin tarayya ta yi namijin kokari wajen ganin ana kara bunkasa fannin na sarrafa madara a kasar nan.
Gwamnatin tarayya ta dauki wannan matakin na raba Kayan domin tabbatar da kara tsaftace kasuwancin sayar da nadarar a jihar da kasa baki daya.
Alhaji Gana ya ci gaba da cewa, an kuma gina cibiyoyin biyu na tara madarar shanu, inda aka mika su ga kungiyar.
Daraktan ya bayyana cewa, an kuma horas da wasu daga cikin ‘ya’yan kungiyar kan fanni daban-daban na hada-hadar kasuwancin madarar ta shanu.
Ya kara da cewa, gwamnatin tarayya za ta ci gaba da bunkasa fannin na sarrafa madarar shanu, har sai kwaliyya ta biya kudin sabulu, musamman domin a samar da wadacacciyar madarar shanu a kasar nan.
Gwamnatin tarayya ta hanyar ma’aikatar ta aikin noma da raya karkara, za ta ci gaba da bunkasa hanyoyin sarrafa madarar shanu, har sai kwaliyya ta biya kudin sabulu, musamman domin a samar da wadacacciyar madarar ta shanu a fadin kasar nan.
Da yake karbar kayan tallafin, shugaban kungiyar reshen jihar Malam Usman Abdullahi ya bayyana cewa, bai san kalaman da zai yi amfani da su wajen gode wa ma’aikatar kan wannan tallafi.
Malam Usman ya kuma bayar da tabbacin cewa, kungiyar za ta yi amfani da Kayan yadda ya dace.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
