Illar Rashin Gyaran Jiki:
Yana da matukar muni ga kowanne dan’Adam ya zama mai rashin kulawa da gyaran jiki musamman ma ga ma’aurata domin illar rashin gyaran jikin ya fi ga ma’aurata da kuma ‘ya mace.
A zahiri ‘ya mace ta kan fuskanci matsala a gidan aurenta kullum cikin rigima da tashin hankali a tsakaninta da maigidanta, iyaye suna ta faman zarya wajen sulhunta tsakaninsu amma abu ya gagara, a karshe sai dai ka ji aure ya rabu.
Anan Fa aiki ne na iyaye mata:
A matsayinki na uwa ko ‘ya ko ‘yar uwa ko kawa yana da kyau idan kika ga cewa ga ‘yarki ko ‘yar uwarki ko kanwarrki ko kawarki ana ta faman zarya na sulhunta aurenta a tsakaninta da mijinta abu ya ki jituwa, to ki yi kokarin gano shin mene ne matsalarta.
Ta hanyar da za ki gano kuwa ita ce, ki kai mata ziyara ta wuni daya kuma idan kin je ki kula da yaya yanayin huldodinta da kuma gyaran jikinta suke a cikin gidanta, ta nan ne za ki fahimci matsalar rashin jituwarta da mijin na ta.
Domin ita matsalar rashin kulawa da gyaran jiki wani namiji ba zai iya bude baki ya fada ba.
Koda ita matar ma ba zai iya fada mata ba sai dai kurum ka ga ana rigima ita tana ta ganin yana yi mata wulakanci shi kuma ga abin da yake gani daban, don haka yana da matukar muhimmancin ga ma’aurata da su himmantu wajen gyara jiki ba su kadai ba, har da wanda ba su yi aure ba domin addinin musulunci ma ya zo mana da nuni na kulawa da tsafta.
Sirrin Mace
Kowacce mace ta san cewa sirri ne a tare da ita sutura al’aurarta musamman ma ga mace mai aure
Yana daga cikin sutura al’aurarta da kula da gyaranta domin ita ce babbar hanya da idan ba kya kulawa da gyara ta hakika za ki fuskanci illolo daban-daban kamar za ki ji haka kawai kina wari.
Maigida zai rika gudunki, za ki ga kina fitar da ruwa mai kazanta a yayin al’ada kuma doyi ma za ki rika yi don ko dakinki aka shiga za a ji yana ta doyi.
To amma idan kina kula da tsafta hakika duka wannan za ki ji kin rabu da shi, kuma maigida ba zai rika baya-baya da ke ba, bare har ta kai ga rabuwar aure.
