INEC Ta Haramtawa Masu Zabe Amfani Da Wayar Salula Yayin Kada Kuri’a A Rumfar Zabe

Hukumar Zabe Mai Zaman Kanta ta Kasa (INEC) ta bayyana cewa ba za ta bari masu kada kuri’a su yi amfani da wayoyinsu na hannu ba a lokacin kada kuri’unsu a zaben shugaban kasa da za a yi ranar Asabar.

Kwamishinan zabe na jihar Ogun, Niyi Ijalaye ne ya bayyana hakan jiya a Abeokuta yayin wata tattaunawa da manema labarai bayan wata ganawa da shugabannin hukumomin tsaro gabanin zaben na ranar Asabar.

• Masu NYSC Ne Kadai Za Su Kula Da Na’urar Tantance Katin Zabe – INEC

Ijalaye ya ce, laifi ne ga masu kada kuri’a yin amfani da wayoyinsu na hannu a rumfunan zabe, ya jaddada cewa, wannan tsarin na daga cikin matakan da za a bi wajen hana sayen kuri’u a lokacin zabe.

Kwamishinan ya bayyana cewa ba za a bari masu kada kuri’a su amsa ko su kira waya ba, ko daukar hotuna da wayoyinsu a lokacin da suke kada kuri’a, ya kuma bayyana shirin hukumar zabe na gudanar da sahihin zabe tare da taimakon jami’an tsaro da hukumomi daban-daban da sauran masu ruwa da tsaki.

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair