Malaman Kano Sun Yi Kira Da A Zabi Atiku Don Tabbatar Da Hadin Kan Nijeriya

Kungiyar malaman addinin musulunci a Kano ta bayyana goyon bayanta ga dan takarar jam’iyyar PDP Atiku Abubakar bisa goyon bayan tikitin musulmi da kirista sabanin tikitin musulmi da musulmi na jam’iyyar APC mai mulki.

Shugaban kungiyar Sheikh Adam Koki ya shaidawa manema labarai hakan jim kadan bayan fitowa daga wani taro da aka yi a Kano a ranar Laraba, cewa sun gamsu da yadda Atiku ke mutunta kasa mai addini daban-daban.

• Ba Zan Iya Zubar Da Jinin Dan Nijeriya Saboda Muradin Siyasata Ba —Atiku

Malamin ya bayyana cewa,  hadin kai a tsakanin ‘yan kasa yana da matukar tasiri ga cigaban kasa, amma mayar da wani bangare na kasar saniyar ware kamar cin amana ne.

Ya ce sun yi wa dukkan ’yan takarar kallo da idon basira, inda suka cimma matsaya kan cewa Atiku ba wai ya cancanta a jiki kadai ba, har ma ya fi kowa kwarewa da zai iya fitar da Nijeriya daga cikin kangin halin da ta tsinci kanta, kasancewar ya taba zama mataimakin shugaban kasa a baya.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”