Dan wasan bayan Spain dake buga wasa a kungiyar kwallon kafa ta Fc Barcelona zai bar kungiyar a bana bayan shafe shekaru 11 a kungiyar ta Catalonia
Jordi Alba wanda yazo daga Valencia ya bugawa Barcelona wasa 458 inda ya zura kwallaye 19 a raga Kuma ya taimaka aka zura kwallaye 91 a tsawon zamansa a kungiyar ya kuma lashe gasar Laliga sau shida da gasar zakarun turai
Dan shekaru 34 Jordi na daga cikin yan wasan da Barcelona ke neman rabuwa dasu domin rage yawan kudin da take batarwa wanda zai bata damar daukar sabbin Yan wasa da Kuma fatan da take na Dawo da shahararren Dan wasanta Lionel Messi wanda ya bar kungiyar a shekarar 2020 inda yanzu yake buga Wasa a Paris Saint Germain
Barcelona dai na fama da matsalar kudin sayan sabbin yan wasa wanda hakan yana damun shugaban kungiyar Laporta,duk da lashe gasar Laliga da tayi a bana hakan Bai hanata sayar da wasu kadarorin ta ba wajen ganin ta samu karin kudin gudanarwa
