Kebbi Da Brazil Zasu Yi Haɗin Gwuiwa Kan Sarrafa Nama Ta Hanyar Zamani

Gwamnatin jihar Kebbi ta ƙarfafa shirinta na bunƙasa kiwo ta hanyar haɗin gwuiwa da ƙasar Brazil domin haɓaka sarrafa naman ta hanyar zamani a jihar.

Tawagar Brazil ta JBS SA Executives za ta isa Birnin Kebbi a ranar Litinin don duba hanyoyin zuba jari da haɗin gwuiwa a fannin kiwon dabbobi, sarrafa nama, da lafiyar dabbobi.

• Ra’ayin Matasa Kan Kungiyar ‘Yan Ta’adda Mai Suna  Lakurawa Da Ta Fito A Kebbi
• Gwamnatin Kebbi Ta Dakile Yunkurin Lakurawa Na Satar Shanu

A cewar kwamishinan ma’aikatar lura da lafiyar kiwon dabbobin da kiwon kifi Mallam Kabir Usman Alaramma, a yayin ziyarar za a daidaita haɗin gwuiwa tsakanin jihar Kebbi da ƙasar Brazil. A laramma ya yi nuni da cewa, martabar jihar Kebbi a matsayin babbar cibiyar harkokin kiwon dabbobi a nahiyar Afrika na ƙara samun karɓuwa a duniya.

Kwamishinan ya bayyana hakan ne ga manema Labarai a yayin wani taron manema Labarai da ya shirya a ofishin manema Labarai da ke Birnin Kebbl.

Daga cikin waɗanda suka halarci taron manema labaran da aka gudanar a Birnin Kebbi akwai: Kwamishinan yaɗa labarai da al’adu, Alhaji Yakubu Ahmed Birnin Kebbi da kwamishinan tsare-tsare da raya birane Alhaji Hayatu Bawa.