Kwallon Mata: Nijeriya Ta Lallasa Ethiopia Da Ci 4 A Abuja

Tawagar kwallon kafa ta mata ta Nijeriya, Super Falcons ta lallasa takwararta ta kasar Ethiopia da ci 4-0 a Abuja.

Uche Kanu ce ta fara jefa kwallo a ragar Ethiopia a minti na 45 da fara wasan.

• Vinicius Ya Tsawaita Kwantraginsa A Real Madrid Zuwa 2027
• Shugaba Xi Jinping Ya Amsa Wasikar Mashahurin Masanin Kimiyya Da Fasaha Na Kasar Cuba

Bayan dawowa daga hutun rabin lokaci ne Rasheedat Ajibade ta jefabwa Nijeriya kwallo ta biyu, kafin ‘yar wasan kungiyar Barcelona Asisat Oshiola ta jefa ta uku a minti na 68.

Kwallo ta hudu kuma ta karshe a wasan Rasheedat ce ta kara zurawa, kuma da hakan Nijeriya ta tsallake mataki na gaba inda ta ke jiran wanda zai yi nasara a tsakanin kasashen Kamaru da Uganda.