Lucky Aiyedatiwa Ya Maye Gurbin Akeredolu A Matsayin Gwamnan Ondo

An rantsar da mukaddashin gwamnan Jihar Ondo, Lucky Aiyedatiwa a matsayin gwamnan jihar.

An gudanar da rantsuwar ne a dakin taro na Cocoa da ke ofishin gwamna a Akure, babban birnin jihar a ranar Laraba.

• Harin ‘Yan Bindiga: Shettima Ya Kai Ziyarar Jaje Jihar Filato
• An Masa Daurin Rai Da Rai Saboda Yin Fyade A Masallaci A Bauchi

Babban Alkalin kotun jihar, Mai shari’a Olusegun Odusola ya gudanar da rantsuwar da misalin karfe 5:18 na yamma.

Tsohon Gwamna, Oluwarotimi Akeredolu, mai shekaru 67,ya rasu ne a ranar Laraba, 27 ga watan Disamba.

Leadership Hausa ta ruwaito cewar ya rasu ne sakamakon cutar sankarar jini.

Gwamnan ya bar mata da ‘ya’ya hudu.