Babban kocin Tottenham Hotspur Ange Postecoglou ya bayyana cewar Son Heung-min da James Maddison ba su da tabbacin buga wasan da za su fafata da Liverpool ranar Asabar.
An tilastawa Son ficewa a mintunan karshe na wasan hamayya na Arewacin London a Arsenal a karshen makon da ya gabata saboda wata karamar matsala, yayin da Maddison ya kwanta a filin wasa kafi shima a cireshi.
- Osimhen Na Shirin Karar Napoli Kan Wani Bidiyonsa Da Suka Dora Akan TikTok
- Super Falcons Sun Dawo Gida Bayan Fitar Da Su Daga Gasar Kofin Duniya
Da farko an sami damuwa game da Maddison idan aka yi la’akari da tasirin raunin gwiwarsa.
Amma an yi imanin cewa hoton da aka dauki kafar ya nuna cewar raunin ba mai matsala bane.
Maddison da Son sun sami damar yin atisaye tare da takwarorinsu ranar Juma’a, amma Postecoglou ya ba da tabbacin cewar ba lallai bane su samu shiga karawarsu da kungiyar Liverpool a karshen mako.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
