Rabiu Ali Indabawa,
Wani mutumin Kenya da aka haifa da makanta ya ki yin tunani game da lahanin da ke tattare da shi, inda yake kokarin cimma burinsa na zama matukin jirgin sama. Dan shekara 29 Odongo daga garin Mumias, Karamar Hukumar Kakamega, an haife da makanta. Mahaifinsa ya gano makaho ne tun yana da shekara uku, abin takaici, saboda yanayinsa, iyayensa suka rabu, kuma mahaifiyarsa ta kai shi wurin kakarsa.
A yayin da a gidan kakarsa ne Odongo ya kirkiro kyakkyawar fahimta tare da gidan zuhudu na Katolika na St Peters Mumias, kuma cocin suka sanya shi a makaranta. “A wani lokaci na shiga makarantar mata ta St Ann’s Mumias Girls, kuma ban iya shiga ba. Daga nan na shiga St peters Boys, amma har yanzu ban kai ga shiga ba saboda suna rubutu a allo, kuma ni bana gani,” kamar yadda Odongo ya ambata.
Daga baya aka sanya shi a Makarantar Firamare ta makafi ta Kibos, kuma shi ne ya fi kowa kwazo a makarantar tare da maki 351 a Takardar Ilimin Firamare ta Kenya ta 2006 (KCPE). Wannan ya ba shi damar zama a Makarantar Makafi ta Thika.
Odongo ya sami digiri na biyu na B tare da maki 53, kuma ya shiga jami’a a Satumba na 2012. “Na gamsar da dan uwana, duk da cewa ba kowa ne ya yarda da cewa idan aka debe B da maki 53 ba zan shiga Jami’ar Kenyatta,” Odongo ya taki sa’a. Sa’arsa, ta zo cikin bakon yanayi lokacin da yake fama da zazzabin cizon sauro kuma an kwantar da shi a asibitin Kikuyu. A can ya hadu da wata budurwa da ta ba shi shawarar cewa ta hanyar tiyata zai iya gani. Odongo ya kasance, duk da haka, yana da shakku.
“Na fada mata ina godiya, amma na ji dadi sosai. Zan iya karatu, ina tafiya da marasa lafiya cikin nutsuwa kuma ban sami dalilin gani ba. Ta gaya mani kada in damu da lissafin. Zan iya samun maganin farko, kuma hakan na iya zuwa daga baya, ”a cewar Odongo.
Mai sha’awar jirgin saman, bai iya boye farin cikinsa ba lokacin da idanunsa suka sami damar gano haske a karon farko. “Na iya hango wani haske kuma na ga abubuwa suna motsi a gabana, hakan ya sa na cika da mamaki,” in ji shi.
