Malamai masu koyar da littafin Allah mai Girma wanda komai na duniya da lahira ya na cikinsa ne kuma shi ne Littafi kwaya daya tak Tilo wanda shi ne littafi mafi girma ga daukacin musulmin duniya ke alfahari da shi wato Alkurani mai girma.
Malamai masu koyar da wannan litafi da dalibansu wanda suka sadaukar da rayowarsu wajen koyar da shi ga dalibansu nasu na bukatar tallafin Gwamnatin Tarayya, kamar yadda aka tallafawa malaman makarantun buko masu zaman kansu da Gwamnatin shugaban kasa muhammadu Buhari ta yi sakamakon kulle makarantu da akayi na wasu watanni, saboda yaki da cutar Korona da ta mamayi duniya a shekarar 2020.
Wadannan bayanai sun futo ne daga bakin kwamred Murtalla Bala Mai sallah, wanda Shugaba ne a kungiyar Inuwar Yayan Malam ta Gwagwarmayar Neman ‘yanci da walwalar malamai da al`majirai masu karanta latafin Allah a lokacin da ya ke zantawa da manema labarai a birnin kano.
Ya ce, bisa ga la’akari da kundin tsarin mulki na cewa duk dan kasa yana da ‘yancin ya rayu yadda kowane dan kasa ke rayuwa da kuma kulawa da shi kamar yadda ake kulawa da sauran ‘yan kasa, to suma malaman masu karantar da littafin Allah wanda akafi sani da masu koyar da karatin Allo, suma suna yana da kyau Gwamnatin Buhari da Gwamnatocin jihuhi su taimaka masu kamar yadda aka taimakawa masu karatun zamani a makarantu masu zaman kansu da albashin akalla na wata uku wanda Gwamnatin Buhari ta bayar ga Malamai wadanda makarantu masu zaman kansu musamman idan akai laakari da yadda Gwamnatin ke ikirarin tabbatar da daidaito da yiwa ‘yan Nijeriya adalci a tsakanin alummar kasar.
Haka kuma alhaji Murtala mai Sallah ya yi kira ga mawadata da su taka rawa mahimiya wajen dakile bara ga dalibai masu san hadace litafin Allah ta hanyar daukar nauyi a kala Almajiri daya ko biyu zuwa sama ta hanyar daukemai abunci sau uku a rana domin yaji dadin hadace litafin Allah wanda ya zama wajibi akan musulmi neman saninsa ko hadaceshi domin sanin addini allah wanda aka halicemu domin mu bautamasa wanda hakan bazatayihuba sai ansan litafin Allah, littatafai da sauran ilimin hadisai da fikuhu to masu wannan kokarin neman wannan Ilimi sun cen ccen ci cin gajiyar arzikin Najeriya kamar yadda masu neman ilimin boko kona sana`a ake kashe musu makudan kudade aduk kasafin kudi na shekara da Gwamnatin Tarayya da na Jahuhi har ma da kananan hukumomi ke yi a wannan kasa.
A karshe Malam Murtala Bala Mai Sallah, shugaban Inuwar yayan Malam na kasa ya ce burin wannan kunkiya shi ne samar da walwala da yanci ga masu hidima ko neman sani a cikin litafin ubangiji ya kuma shawarci daukacin alumma da kuwane mutum ya sa zuciyar tausayi da taimakon aluma a zuciyasa domin duk abunda ka shuka shi ne zaka girba a gobe.
