Wata mata ‘yar shekara 20 mai suna Amina Hassan da ke karamar hukumar Mubi a jihar Adamawa ta kone gidan mijinta saboda ya ki sakin ta.
Amina Hassan ‘yar unguwar Shuware a Mubi ta Arewa da ta auri Muhammed Auwal kimanin wata da wani abu da suka gabata, ta ce akwai yarjejeniyar mutumin zai sake ta bayan aurensu.
- Babu Ranar Daina Amfani Da Tsofaffin Takardun Naira – CBN
- BUK Ta Dakatar Da Jarabawa Sakamakon Yajin Aikin NLC Da TUC
Ta sanar da ‘yan sanda cewa ta banka wa gidan wuta ne saboda kin amincewar mijin nata na kawo karshen auren da suka, kamar yadda kakakin rundunar ‘yansandan jihar, Suleiman Nguroje ya bayyana.
“Mun yi shirya cewa zai sake ni bayan auren. Na sadu na kuma ta rokonsa ya sake ni, amma ya yi banza da ni.
“Daga baya ya fara dukana maimakon ya sake ni, sakamakon haka na fusata har na kona gidan,” kamar yadda ta shaida wa jami’an ‘yansanda da ke bincikenta.
An ruwaito cewar kwanaki kadan ya rage a daura auren, Amina ta nuna ta fasa aurensa, sai dai iyayenta ba su aminta da wannan bukatar ba.
Wasu majiyoyi sun bayyana cewar wannan shi ne dalilin da ya santa bayan auren ta nemi wani boka don ya yi mata aiki akan mijin ya tsane ta sannan ya sake ta daga baya.
Daga baya bokan ya tsere daga Mubi, inda kuma ya kashe wayarsa, lamarin da ya bar ta ba ta ga tsuntsu ba ta ga tarko.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
