Na Yi Takaicin Zama Ministan Matasa Da Wasanni A Gwamnatin Buhari —Solomon Dalung

Tsohon ministan matasa da harkokin wasannin, Solomon Dalung ya ce yayi da ya sanin aiki da gwamnatin Buhari.

Dalung ya sanar da hakan ne a wata hira ta musamman da Freedom Radio.

• Kalubalen Rashin Tsaro: Ba Za Mu Kara Cewa Buhari Uffan Ba – ACF

“Matsalar tsaro a yanzun ta tilasta wa al’umma da dama a yankin Arewa sun bar muhallansu, wasun koma kwana a dazuka”. Inji Dalung

Dalung ya kuma zargi yadda gwamnatin Buhari ke almundahana da dukiyar al’umma da sunan samar da ayyukan raya kasa.

Tsohon Ministan ya kara da cewa, ayyuka da dama da gwamnati mai ci ta gada ta gaza karasa su, duk da makudan kudaden da ake fitarwa domin kammala su.