An Tsinci Gawar Jarumin Fina-Finan Nollywood, Abuchi Ikpo A Gidansa

An tsinci gawar jarumin fina-finan Nollywood, Prince Abuchi Ikpo a gidansa da ke Asaba a jihar Delta.

Kakakin  rundunar ‘yan sandan jihar, DSP Bright Edafe, ya tabbatar da rasuwarsa a ranar Talata.

• Na Yi Takaicin Zama Ministan Matasa Da Wasanni A Gwamnatin Buhari —Solomon Dalung
• Da Wuya A Ga Cikar Burin ‘Yan Siyasar Japan Na Yi Wa Kundin Tsarin Mulki Garambawul

Edafe ya ce an kashe jarumin ne a gidansa kuma aka kulle shi har sai da aka gano gawarsa.

“An tsinci gawar a gidansa da ke kusa da unguwar Jesus Save, Asaba, a ranar Litinin.

“Sun kashe shi kuma suka kulle gawar a cikin gidan.

“Babu cikakkun bayanai tukuna,” in ji kakakin.