Putin: Dangantakar Da Ke Tsakanin Sin Da Rasha Ta Dogara Ne Kan Fahimtar Juna Da Mutunta Juna 

Shugaban kasar Rasha Vladimir Putin ya bayyana jiya Juma’a yayin ganawa da wakilan muhimman kafofin watsa labarai na kasashen BRICS ciki har da na babban gidan rediyo da talibijin na kasar Sin na CMG a birnin Moscow cewa, dangantakar da ke tsakanin Sin da Rasha ta dogara ne kan fahimtar juna da mutunta juna. Kana hadin gwiwar da ke tsakanin bangarorin biyu ta zarce matsaya kawai, har ma ta kai ga daukar muhimman matakai a aikace.

Taron na manema labarai na zuwa ne kwanaki kadan gabanin taron kolin BRICS na shekarar 2024, wanda aka shirya gudanarwa daga ranar 22 zuwa ta 24 ga watan Oktoba a birnin Kazan na kasar Rasha. (Yahaya)