Babban bankin Nijeriya (CBN) ya kara yawan adadin kudin da daidaikun mutane ko kungiyoyin za su iya cirewa a mako guda.
Sabon matakin na CBN ya yi nuni da cewa daidaikun mutane za su iya cire kudi har zuwa naira dubu dari biyar (500,000) a cikin mako guda.
Kazalika, sabon matakin ya nuna cewa kungiyoyi za su iya cire naira miliyan biyar a mako.
Idan za ku iya tunawa a sabon tsarin fasalin kudi da CBN ya fitar a kwanakin baya, ya ce daidaikun mutane za su iya cire naira dubu dari N100,000 ne kacal a mako lamarin da ya janyo suka da bore daga wajen al’ummar kasa.
Babban bankin ya bayyana haka ne a cikin wata sanarwar da ya aike wa bankuna a ranar Laraba.
Kazalika, CBN ya ce, daukan wannan matakin ya biyo bayan sauraron bayanai da ra’ayoyin masu ruwa da tsaki ne kan wannan matakin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
