A yau Asabar ne aka rufe gasar wasannin nahiyar Asiya ta shekarar nan ta 2026 ajin masu bukata ta musamman, gasar da ta kasance irinta karo na biyar, kuma a wannan karo ma kasar Sin ce kan gaba da adadin lambobin yabo mafiya yawa na gasar cikin shekaru biyar a jere.
A wannan karo, kasar Sin ta aike da tawagar ’yan wasa 312, kuma ta yi nasarar lashe jimillar lambobin zinari 207, da azurfa 117 da tagulla 111, inda ta lashe jimillar lambobi 435, nasara mafi girma da ta samu a ajin wannan gasa da ta gudana a wajen kasar.
’Yan wasan kasar sun kafa tarihin bajimta na duniya 11, da na gasar nahiyar Asiya 18 a yayin gasar. Sai kuma mai masaukin bakin gasar wato Japan, wadda ta kammala a matsayi na biyu, yayin da Uzbekistan ta zamo ta uku. (Saminu Alhassan)
