Dakarun Sojojin Nijeriya sun harbe wasu ‘yan bindiga biyu a wani kazamin artabu da suka yi a Unguwar Sarkin Musulmi da ke karamar hukumar Kaura Namoda a jihar Zamfara.
Hakan na kunshe ne cikin wata sanarwa da mukaddashin Daraktan hulda da jama’a na rundunar (ADAPR), 1Bde/Sect 1 OPHD, Laftanar Sulaimam Omale, ya fitar a Gusau ranar Lahadi.
- Batun ‘Yan Mata Masu Yanga Wajen Tsallaka Titi
- Dasuki Ya Kaddamar Da Shirin Tallafa Wa Masu Kananan Sana’o’i Da Manoma
Omale ya ce, rundunar hadin gwiwa ta shiyya ta daya da ke yaki da ‘yan bindiga a Arewa maso Yamma karkashin shirin “Operation Hadarin Daji, OPHD”, ta ci gaba da samun nasarori a yakin da ake yi da ‘yan bindiga a Zamfara da kuma yankin Arewa maso Yamma.
“A ranar 16 ga watan Agustan 2024, sojojin sun yi nasarar kashe ‘yan bindigar biyu.
“Sauran ‘yan bindigar, saboda ruwan wuta, ta tilasta musu tserewa cikin raunuka.
”An yi wannan nasarar ne a yayin wani kazamin arangama da aka yi a Unguwar Sarkin Musulmi a karamar hukumar Kaura Namoda.” In ji Omale
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
