Tsohon Gwamnan Jihar Zamfara kuma Sanatan Zamfara ta Yamma, Abdulaziz Yari, ya bayyana cewa daukar sabbin sojoji da ake yi duk bayan watanni shida zai taimaka wa manoma kashi 85 su koma gonakinsu lafiya a damina mai zuwa.
Ya ce sojojin za su kasance a lunguna da saƙo na ƙasar nan don kare rayuka da dukiyoyin al’umma.
- Gwamnatin Tarayya Ta Rabar Da Naira Biliyan 16.1 Ga Masana’antu 22 — Ministan Kudi
- Ƴansanda Sun Kama Mutane 859, Sun Kwato Makamai 27 Da Alburusai 115 A Filato
Sanata Yari ya yi wannan bayani ne a wani taron manema labarai da ya gudanar a yau, Asabar, a Talata Mafara.
A cewarsa, Shugaban Ƙasa Bola Ahmed Tinubu ya tabbatar da hakan yayin gabatar da kasafin kuɗin shekarar 2025 a Majalisa, inda ya bayyana cewa babban kalubale a ƙasar nan shi ne rashin tsaro.
Ya ce shugaban ƙasa zai yi duk abin da ya dace don tabbatar da tsaro.
Sanatan ya kuma yi kira ga jam’iyyun adawa da su daina alakanta matsalar tsaro da mulkin APC, saboda matsalar ta samo asali tun zamanin PDP.
Har ila yau, ya yi kira ga al’ummar ƙasa da su ci gaba da yin addu’a don samun zaman lafiya mai ɗorewa.
