Tinubu Zai Tafi Legas Don Gudanar Da Bikin Sallah

Shugaba Bola Tinubu, zai bar Abuja babban birnin tarayya, a yau Lahadi zuwa Legas don yin bikin karamar sallah.

Hakan na kunshe ne cikin wata sanarwa da mai bai wa shugaban kasar shawara kan harkokin yada labarai, Ajuri Ngelale ya fitar ranar Asabar.

• Karin Kudin Hajji: Gwamna Inuwa Ya Tallafa Wa Maniyyatan Gombe Da Naira 500,000 Kowanne
• Mataimakin Firaministan Kasar Sin Ya Gana Da Sakatariyar Baitulmalin Amurka A Guangzhou

“Shugaba Tinubu zai yi bikin sallah ne tare da iyalansa a Legas, inda zai yi amfani da lokacin wajen yi wa Nijeriya addu’a, musamman ganin irin tarin matsaloli da kasar ke fama da su,” in ji sanarwar.

“Kuma zai ci gaba da gudanar da ayyukansa kamar yadda ya saba a can,” in ji sanarwar.