Tsohon Kocin ƙungiyar ƙwallon ƙafa ta Chelsea Rafael Benitez ya dawo harkar kwallo bayan da kungiyar Celta Vigo da ke buga gasar Laliga ta kasar Sifen ta ba shi aikin horarwa.
Benitez wanda ya rasa aikinsa lokacin da Everton ta sallame shi bayan rashin tabuka abin kirki da kungiyar ta yi, zai horar da kungiya ta 16 a tarihinsa.
Celta wacce ta kare mataki na 13 ta bawa Benitez kwantiragin shekaru 3 domin maye gurbin Carlos Carvalhal wanda ya bar kungiyar bayan kammala kakar bana.
ADVERTISEMENT
Benitez ya horar da kungiyoyi da dama a Turai ciki har da Chelsea, Newcastle, Everton da kuma Real Madrid, ya Kuma taba lashe gasar Zakarun Turai a kungiyar kwallon kafa ta Liverpool a shekarar 2013.
