Tawagar ƙwallon ƙafa ta matan Nijeriya ’yan ƙasa da shekaru 17 ta kai wasan ƙarshe na gasar cin kofin duniya bayan doke Brazil da ci 3-1 a wasan kusa da na ƙarshe da suka fafata a daren Laraba.
A wasan da aka gudanar a filin wasa na Muhammad VI Football Academy, ’yan wasan Nijeriya sun nuna bajinta, inda Queen Joseph da Awawu Bashiru suka taimaka wajen samun nasarar tawagar.
Duk da cewa Greise Silva ta ci wa Brazil ƙwallo ɗaya, hakan bai hana ’yan matan Nijeriya samun tikitin zuwa wasan ƙarshe ba.
Nijeriya za ta fafata da Japan a wasan ƙarshe ranar Asabar, 7 ga Nuwamba, bayan Japan ta doke Koriya ta Kudu a ɗayan wasan kusa da na ƙarshe.
Wannan ne karo na farko da Nijeriya ta kai wasan ƙarshe na wannan gasa, bayan da mafi girman nasararta a baya ita ce kai wa matakin kusa da na ƙarshe a shekarar 2022.
