Yamal Ya Kwace Tarihin Mbappe A Gasar Zakarun Turai

LABARAI MASU NASABA

Shin Wannan Ce Shekarar Da “Kano Pillars” Za Su Sake Lashe Kofin NPFL?

Harry Kane, Ɗan Wasan Ingila Na Farko Da Ya Lashe Ballon D’or Bayan Shekara 25

Ɗan wasan Barcelona, Lamine Yamal, ya karya tarihin Kylian Mbappe na zama matashin dan wasan da ya fi zura kwallaye a gasar Zakarun Turai kafin ya kai shekaru 20.

Yamal mai shekaru 19 ya cimma wannan nasara ne bayan zura kwallo a ragar Aston Villa a wasan da Barcelona ta ci 3-0 a ranar Talata, inda ya kai kwallaye 14 a gasar.

Kafin wannan lokaci, Mbappe ne ke rike da tarihin da kwallaye 13 kafin ya cika shekaru 20. Duk da cewa dan wasan na Real Madrid ya ci kwallaye 72 a gasar baki daya, Yamal ya zarce shi a wannan fanni.

Yamal ya kafa sabon tarihin ne a wasanni 37 da ya buga a gasar Zakarun Turai. Haka kuma, shi ne matashin dan wasan da ya fara taka leda a gasar.