Albarkacin ranar kula da muhalli ta biyu ta kasar Sin, shugaban kasar Xi Jinping, ya amsa wasikar ma’aikatan sa kai masu aikin kare muhalli a yankin tabkin Danjiangkou dake Shiyan na lardin Hubei, yana mai karfafa musu gwiwa tare da aikewa da sakon gaisuwa ga dukkan ma’aikatan sa kai dake kare muhalli a fadin kasar.
Cikin wasikar, shugaba Xi ya ce “ina fatan za ku ci gaba da yayata ruhin aikin sa kai da bayar da gudunmuwa ga zamanantar da jituwa tsakanin dan Adam da sauran halittu.”
Cikin shekaru 10 da suka gabata, a matsayin muhimmiyar hanya ta tsakiya ta aikin karkatar da ruwa daga yankin kudu zuwa arewancin kasar Sin, al’ummun tabkin Danjiangkou da ma’aikatan sa kai a wurin, sun taimaka sosai ga aikin kula da kare ruwa. (Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
