Tun bayan da kasar Sin ta daidaita matakanta na yaki da annobar COVID-19, titunan birnin Beijing sun sake cunkushewa, masu yawon bude ido suna tururuwa don zuwa hutu a kasashen waje, yayin da ‘yan kasuwa suke sa ran farfadowar harkokin kasuwanci, mutane suna jira a layi a yayin harkokin karshen mako a cibiyar shakatawa ta Shanghai Disneyland da wurin shakatawa na Universal dake birnin Beijing, zirga-zirga a otel-otel dake wuraren shakatawa shi ma ya karu matuka, yadda jama’a ke tururuwa cibiyar kasuwanci ta Beijing ya farfado sosai, kana tsarin kiwon lafiya na Beijing yana gab da dacewa da yanayin da ake ciki.
Wannan shi ne sabbin abubuwa da Financial Times, Reuters da kamfanin dillancin labarai na Eiffe suka lura da su a kasar Sin.
An gano cewa, rayuwar jama’ar kasar Sin na komawa kamar yadda aka saba a baya, yanayin kasuwanci a titunan biranen Beijing da Shanghai yana kyautatuwa, su ne suka mamaye muhimman shafukan kafofin watsa labaru na kasashen waje da dama. (Mai fassarawa: Ibrahim daga CMG Hausa)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
