Kasar Qatar da ke sulhu a tsakanin Isra’ila da Hamas ta bayyana a daren ranar Litinin cewa an tsawaita tsagaita bude wuta tsakanin sojojin Isra’ila da na Hamas a Gaza da kwanaki biyu.
Jami’an Hamas sun ce, tsawaita tsagaita bude wuta a tsakanin bangarori biyun yana nan akan dokoki da sharuda kan yarjejeniyar da aka cimma ta tsagaita bude na kwanaki hudun farko, kamar yadda kamfanin dillancin labarai na Reuters ya ruwaito.
- Kasafin Kuɗin 2024: A Jihar Katsina, Ɓangaren Noma Zai Samu Kashi 6.21% Kawai – Kwamishina.
- Da Dumi-dumi: Kotun Daukaka Kara Ta Soke Zaben Kakakin Majalisar Kaduna
A daren Litinin ne ya kamata a kawo karshen tsagaita wuta na kwanaki hudu na farko.
Kakakin ma’aikatar harkokin wajen Qatar ne ya fitar da sanarwar tsawaita tsagaita bude wutar a cikin wani sako da ya wallafa a dandalin sada zumunta na X cewa, an cimma yarjejeniyar tsawaita tsagaita bude wuta na tsawon kwanaki biyu a zirin Gaza.
Kawo yanzu dai babu wani bayani daga Isra’ila, amma wani jami’in fadar White House (Gidan gwamnatin Amurka) ya tabbatar da cewa an cimma matsaya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp