‘Yan bindiga sun kashe daya daga cikin faston cocin Katolika da suka sace bayan sun karbi kudin fansarsa a Kaduna.
A wata sanarwa da cocin Katolikan ta fitar, ta ce an gano gawar Rabaran John Mark Cheitnum a ranar Talata.
- Miji Ya Bar Matarsa, Ya Tsere Tare Da Sabuwar Budurwarsa
- Jami’an Tsaro Sun Cafke Barayin Wayar Wutar Lantarki A Kano
Shugaban Kungiyar Kiristocin Nijeriya a jihar Kaduna ya shaida wa manema labarai cewa masu garkuwa da mutanen sun karbi kudin fansa.
Ya ce bayan da suka karbi kudin fansar sai suka yi musu kwatancen wurin da gawar faston ta ke.
Sai dai ‘yan bindigar sun saki dayan faston da suka yi garkuwa da shi wato Rabaran Donatus Cleopas.
Babu tabbaci kan dalilin da ya sa aka harbe dayan faston.
An yi garkuwa da faston su biyu ne a kauyen Yadin Garu a ranar Juma’ar da ta gabata.
Satar mutane ko kisa a kauyukan Kaduna na ci gaba da yin kamari, lamarin da ya sanya gomman mutane tserewa da barin muhallansu.
