Fursunoni Ba Za Su Samu Damar Kada Kuri’a Ba A Zaben 2023 – INEC

Hukumar Zabe Mai Zaman Kanta ta Kasa (INEC) ta ce ba zai yiwuwa ba fursunonin da ke gidajen gyaran hali a fadin kasar nan su kada kuri’a a lokacin babban zaben 2023.

Shugaban hukumar ta INEC, Farfesa Mahmood Yakubu, wanda ya bayyana haka a lokacin da tawagar gudanarwar hukumar da ke kula da Gidajen gyaran hali ta Nijeriya ta kai masa ziyara a hedikwatar hukumar da ke Abuja a ranar Talata, ya jaddada bukatar cimma matsaya guda kafin fursunonin su kada kuri’a.

• Sauyin Tsarinmu Ya Bamu Nasarar Gudanar Da Zaben Osun – INEC

Da yake karin haske kan lamarin, Yakubu ya bayyana cewa sauran watanni bakwai kacal a gudanar da babban zaben, akwai bukatar lura da tantance hanyoyin da fursunonin za su kada kuri’a, ya ce: “Babban zabe mai zuwa ba shine zaben karshe da Nijeriya za ta gudanar ba.”

Ya kara da cewa, “Don haka ko da ba mu cika dukkan wadannan muhimman matakai na 2023 ba – Wanda zai ba fursunonin damar kada kuria, za mu ci gaba da tattaunawa kan lalubo mafita zuwa zabe na gaba.

“Wadannan batutuwa ne masu Muhimmanci matuka da ya kamata mu tattauna akai sosai.”

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu