‘Yan Bindiga Sun Kashe Kansila A Adamawa

‘Yan bindigan sun shiga gidan Honarabul Ishaya Bakano a daren ranar Juma’a dab da wayewar garin Asabar a karamar hukumar Song, inda suka harbe shi har lahira.

Kakakin ‘yan sanda jihar Adamawa, DSP Suleiman Yahaya Nguroje, ya tabbatar da faruwar lamarin, inda ya ce bayan an harbi kansilan an garzaya da shi asibiti amma rai ya yi halinsa.

• ‘Yan Sanda Da ‘Yan Kasuwa Sun Yi Hadin Guiwa Don Kawo Karshen Kwacen Waya A Kano
• Mun Kashe Gobara 87 A Yankunan Zariya – Hukumar Kashe Gobara

DSP Yahaya ya kuma tabbatar da cewa ‘yan bindigar sun harbu daya daga cikin ‘ya’yan kansilan wanda yanzu haka yake jinya a asibiti.

Kafin rasuwarsa, Ishaya ya kasance kansila mai wakiltar mazabar Gudu Mboi da ke karamar hukumar Song a jihar Adamawa.