‘Yan bindiga sun sake kai wani sabon hari garin Banono da ke karkashin masarautar Kufana ta Karamar Hukumar Kajuru a Jihar Kaduna, inda suka kashe mutum daya sannan suka sace mutane takwas.
‘yan bindigar sun kashe Christopher Zamani da raunata wata mata Mary Isah wacce ke kwance a wani asibiti da ke Maraban Kajuru.
- Maurizio Sarri Ya Ajiye Aikin Horas Da Lazio
- Gwamnatin Jigawa Ta Amince Da Kashe Fiye Da Naira Biliyan 2 Domin Ciyarwa A Watan Ramadan
Maharan sun kuma yi garkuwa da wasu mata hada da Tina Bulus da Alice Joshua da Sarah Micah da Jenet Amos da Martha Peter da Rita Geoffrey da Favour Ado sai kuma namiji daya mai suna Kaduna Fidelis.
A wani labarin kuwa, mutane 24 daga cikin wadanda aka yi garkuwa da su a garin Buda a ranar Litinin din da ta gabata duk a karamar hukumar ta Kajuru, sun kubuta daga hannun wadanda suka yi garkuwa da su.
Wani mazaunin garin Benjamin Yuhana, ya ce mutanen sun dawo gida ne ba tare da an biya ko sisin kobo ba a matsayin kudin fansa, duk da cewa har yanzu akwai wasu da dama a hannun masu garkuwa da mutanen.
A baya-bayan nan dai, Jihar Kaduna na fuskantar kalubalen tsaro da garkuwa da mutane, daga ciki akwai na sace dalibai 287 da ‘yan bindiga suka yi a garin Kuriga da ke Karamar Hukumar Chikun.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
