Rundunar ‘yansandan Jihar Nasarawa ta rufe harabar majalisar dokokin jihar, domin kaucewa tabarbarewar doka da oda biyo bayan samun shugabanni biyu na majalisar wakilan ta bakwai.
DSP Ramhan Nansel, kakakin rundunar ‘yansandan jihar, ne ya bayyana hakan a ranar Laraba a cikin wata sanarwa a garin Lafia.
Nansel ya ce an dauki matakin ne saboda umarnin kwamishinan ‘yansandan jihar Mista Maiyaki Mohammed-Baba.
Ya ce kwamishinan ya bada umarnin ne bayan tattaunawa da sauran hukumomin tsaro a jihar.
Kamfanin dillancin labarai (NAN) ya tattaro cewa zababbun mambobin majalisar a ranar Talata, 6 ga watan Yuni sun gudanar da ayyuka guda biyu masu kama da juna wanda ya haifar da fitar da shugabannin majalisar guda biyu daban-daban.
An girke jami’an tsaro a harabar majalisar da sanyin safiyar ranar Laraba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
