Yanzu-yanzu: Shugaba Buhari Ya Dawo Nijeriya Daga Landan

Shugaban kasa Muhammadu Buhari, da misalin karfe 4:45 na yammacin ranar Talata, ya iso filin jirgin saman Nnamdi Azikiwe da ke Abuja daga birnin Landan na kasar Birtaniya (UK).

Shugaba Buhari ya bar Nijeriya ne a ranar 3 ga watan Mayu zuwa kasar Birtaniya domin halartar bikin nadin sarautar Sarki Charles III da Sarauniyarsa, Camilla, ta kasar Birtaniya.

• Tinubu Da Kwankwaso Sun Gana A Faransa

Shugaban wanda tun farko aka shirya zai dawo Abuja cikin mako guda, sai ya sake tsawaita dawowarsa na tsawon mako guda sakamakon shirya ganin likitan hakoransa domin duba lafiyarsu.

A wata sanarwa da mai baiwa shugaban kasa shawara kan harkokin yada labarai Femi Adesina ya fitar, ya ce shugaba Muhammadu Buhari zai ci gaba da zama a birnin Landan na kasar Birtaniya na tsawon mako guda, sabida ganin likitan hakoransa.