Dan yayan shugaban Kasa Muhammadu Buhari, Fatuhu Muhammed, dan majalisar wakilai a jihar Katsina, ya fice daga jam’iyar APC.
Muhammed shi ne dan majalisa mai wakiltar mazabar Daura/Sandamu/Mai’adua a majalisar wakilai.
- Muhimmanci Koya Ma ‘Ya’ya Sana’oi Tun Suna kanana
- Luguden Ruwan Wuta Ya Kashe Kwamandan Boko Haram A Borno
Ya bayyana ficewar tasa daga APC ne a wata takarda mai kwanan wata 13 ga Yuli, da ya aike wa jam’iyyar.
A takardar wacce ya aike wa shugaban jam’iyya na mazabar Sarkin Yara a Daura, Muhammed, ya ce ficewar ta sa ta fara aiki nan take.
Sai dai kuma bai fadi dalilin da ya sanya ya fice daga jam’iyar ta APC ba.
Tun a watan Mayu, Muhammed ya sha kaye a zaben fidda-gwani na jam’iyyar APC na majalisar wakilai.
Wasu rahotanni daga gefe na cewa Mohammed na shirin yin wata ganawar sirri da dan takararar shugaban kasa a jam’iyyar PDP, Atiku Abubakar.
