A wani takaitacen bayani da jami’in yada labarai na hukumar zabe mai zaman kanta ta kasa (INEC) reshen Jihar Kano, Malam Adam Ahmad Maulud ya bayyana cewa ‘yan jarida na taka mahimmiyar rawa da kyakyawan hadin kai ga hukumar.
Ya kara da hukumar INEC tana aiki kafada da kafada da ‘yan jarida wajen yada labaran hukumar ga al’ummar Kano da ma kasa baki daya.
Har ila yau, Malam Maulud ya ce su ma kungiyoyin farar hula da na sa-kai da daukacin ‘yan siyasa na ba da tasu gudunmawar ta hadin kai ga wannan hukuma ta INEC a ko da yaushe
Ya ce kasancewar Kano Allah ya albarkace ta da yawan jama’a, amma duk da haka ‘yan siyasansu sun sha bamban da na wasu wuraren wajen gogewa da iya siyasa, inda kuma ya yi adduar zaman lafiya da kwanciyar hankali a Jihar Kano da ma Nijeriya baki daya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
