Assalamu Alaikum. Mutum ne yake ba da kudin Gero ga manoma tun kafin ma amfanin ya girma.
Misali, in ana saida Gero a lokacin shifka Naira 450, to sai su yi lissafi a kan tsammanin Geron zai sauko zuwa Naira 150.
Ka ga duk Naira 450 da ya ba manomi, zai kawo mai Tiya 3 ta Gero kenan. Mene ne halaccin wannan ciniki?
Wa alaikum assalam, Ya halatta mutukar sun cimma daidaito akan hakan, wannan shi ake kira Salam a wajan malaman Fikhu (Kan ta gasu), Annabi (SAW) da ya zo Madina ya samu mutanen garin suna irin wannan cunikayyar, sai ya ce musu: (Duk Wanda zai yi, to ya yi a cikin Ma’auni sananne, zuwa lokaci sananne) kamar yadda Muslim ya rawaito a hadisi ingantacce.
Allah ya halatta wannan nau’i na cinikayya saboda saukaka wa mutane, Manomi zai iya bukatar kudi kafin amfaninsa ya zo.
Allah ne mafi sani.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
