An cire dan wasan Senegal Sadio Mane daga cikin ‘yan wasan da za su je gasar cin kofin duniya ta 2022, sakamakon rauni da ya ji a karawar Bayern Munich da Werder Bremen.
An cire tsohon dan wasan na Liverpool ne minti 19 kacal a wasan da Bayern ta doke Bremen da ci 6-1 a daren Talata, abin da ya sa aka fara fargabar koshin lafiyarsa a Qatar kasa da makonni biyu kafin fara gasar.
- 2023: Atiku da Gwamnan Bauchi Sun Sasanta Rikicin Da Ke Tsakaninsu
- 2023: Gwamnan Akwa Ibom Ya Karyata Ajiye Mukaminsa Na Shugaban Yakin Zaben Atiku Da Okowa
A cewar L’Equipe, ba zai takawa Senegal ba.
An yi imanin cewa Mane ya samu rauni a kafarsa, in ji L’Equipe, kuma zai yi jinyar makonni da dama, inda ya bai wa kocinsa Aliou Cisse babban ciwon kai kwanaki kadan kafin ya bayyana tawagarsa ta gasar cin kofin duniya.
Kocinsa na Bayern, Julian Nagelsmann, ya ce dan wasan za a yi masa gwaji don tantance girman raunin da ya samu bayan da farko ya ce ba wani babban rauni ba ne .
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
